چیرۆک: پیاوێک و مارێک

یه‌کێك بوو یه‌کێک نه‌بوو. رؤژێک له‌ رۆژان، پیاوێک له‌ رێگایه‌که‌وه‌ ‌ تێپه‌ڕ ده‌بوو. له‌ دووره‌وه‌ کڵپه‌ی ئاورێکی دی. رۆشته‌ پێشه‌وه‌ وله‌ ئاوره‌که‌ ڕاما. له‌ ناکاو له‌ ناو ئاوره‌که‌دا، مارێکی بینیی که‌ په‌پکه‌ی داوه‌ و به‌ده‌ور خۆیدا هه‌ڵده‌سووڕێ و ئه‌وه‌نده‌ی نه‌ماوه‌ ئاوری تێبه‌ر بێ. پیاوه‌که‌ ترسا و دارێکی هه‌ڵگرت و خستییه‌ ئاگره‌که‌وه ماره‌که‌ خێرا له‌ ده‌ور داره‌که‌ هه‌ڵقه‌ی به‌ست. پیاوه‌که‌ داره‌که‌ی به‌رز کرده‌وه‌ و ماره‌که‌ی رزگار کرد
ماره‌‌ گوتی: چاکه،‌ ئێستا ده‌بێ پێته‌وه‌ بده‌م
پیاوه‌که‌ گوتی: قه‌ت شتی وانابێ. من تۆم له‌ ئاوره‌که‌ رزگار کرد؛ ئێستا تۆ ده‌ته‌وێت پێمه‌وه‌ بده‌ی
ماره‌که‌ گوتی: چار نییه‌، ئه‌مه‌ له‌ نێو ئێمه‌ ماراندا باوه‌
پیاوه‌که‌ گوتی: نه‌، له‌ هه‌ڵه‌دای. مۆڵه‌ت بده‌ با له‌ دره‌خت بپرسین
دار به‌ پیاوه‌ی گوت: باوه‌ و ده‌بێ پێته‌وه‌ بدات. تۆ و هاوه‌ڵه‌کانت، دێن و سێوه‌کانی من ده‌خۆن
پیاوه‌ دیسان به‌ ماره‌ی گوت: نه‌، وه‌ره‌ با بڕۆین له‌ رۆبار ببرسین
رۆبار گوتی: مار ده‌بێ پیته‌وه‌ بدات
تۆو هاوه‌ڵه‌کانت دێن و پێ له‌سه‌ر ده‌ستم ده‌نێنن و ... ده‌که‌نه‌ سه‌رم
پیاوه‌که‌ له‌و نزیکانه‌ رێوییه‌کی دیی. خێرا بۆ لای رێویه‌که هه‌ڵهات
رێوی گوتی: من باوه‌ڕ ناکه‌م له‌م ناوه‌دا مارێک هه‌بێ. سه‌ره‌تا ماره‌که‌ بخه‌ تووره‌که‌یه‌که‌وه‌، هه‌تا باوه‌ڕت بێ بکه‌م
پیاوه‌ ماره‌که‌ی له‌ تووره‌که‌ هاوێشت
رێویه‌که‌ گووتی: ئێستا، خێرا سه‌ر تووره‌که‌که‌ ببه‌سته‌
پیاوه‌که‌ سه‌ر تووره‌که‌که‌ی به‌ست و سپاسی رێویه‌که‌ی کرد و له‌ تووره‌که‌که‌ دوور که‌وته‌وه‌.م

تێبینی:م

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

رۆژی 8/8/1372 هه‌تاوی ئه‌م چیرۆکه‌م‌، که نووسه‌ره‌که‌ که‌سێکه‌ به‌ ناوی مروارید نوزایی له‌ تاران و له‌ ‌ نامیلکه‌ی ئافتابگه‌رداندا(گوڵه‌به‌ڕۆژه‌) له‌ برواری 6/8/1372 هه‌تاویدا بڵاوی کردبووه‌وه‌‌، وه‌رگێڕابووه‌‌ سه‌ر زمانی کوردی و ماوه‌یه‌ک له‌مه‌وپێش له‌ناو یه‌کێک له‌ ده‌فته‌ره‌کۆنه‌کانمدا دۆزیمه‌وه،‌ که‌ پێشکه‌ش به‌ ئێوه‌ی ئازیزی ده‌که‌م. له‌و دیڕه‌شدا که‌ باس له رۆبار ده‌کرێت، ئه‌و وشه‌یه‌ له‌ ده‌فته‌ره‌که‌دا نه‌نووسرابوو، بۆێی ‌ ‌ شوێنه‌که‌یم به‌ خاڵی هێشتووه‌ته‌وه.‌‌ .ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ م