ئەوەیە کارنامەی ئۆردۆغان

ئەمڕۆ شەممە ٢٤.٠٥.٢٠١٤ شاری کۆڵنی ئاڵمان بووە گۆڕەپانێکی گەورەی کێبەرکێی لایەنگران و نەیارانی دەوڵەتی ئیسلامگەرای رەجەب تەیەب ئۆردۆغان. بە پێی راپۆرتی دایەرەی پۆلیسی ئاڵمان لە شاری کۆڵن، زیاتر لە ٤٥٠٠٠ (چل و پێنج هەزار کەس) لە نەیاران و ٣٠٠٠٠  (سی هەزار کەس) لە لایەنگرانی دەوڵەتی تورکیا لە دوو خۆپیشاندانی جیاوازدا کەوتنە ململانێ و زۆرانبازییەکی بێوێنەوە. ئەمڕۆ هەموو گۆرەپانەکانی ناوەندیی شاری گولن لەوانە ئیبەرت پلاتز و ئاخنەوایەر و شەقامەکانی نزیک بەم ویستگەی ناوەندی شەمەندەفەڕ لە ژن و پیاو و پیرو جوانی تورک جمەی دەهات. هەموو یەکدەنگ هاواریان دەکرد: "ئۆرووغان دەک بەخێر نەیی بۆ کۆڵن." ، "دیکتاتۆر" ، "فاشیست"، لەسەر پارچەیەک نووسیبوویان؛" رۆژێک دزیی و ریسوایی ماڵی، رۆژێک کوشتاری خەڵک و ئەمڕۆش قڕکردنی کرێکارانی کانەبەردەکان، ئەوەیە کارنامەی ئۆردۆغان" نەیاران کە لە لایەن هێز و گرووپ و پارتە رامیارییە جیاوازەکانی تۆرکیاوە کۆکرابوونەوە، هەرکەسە بە ئاڵای خۆیەوە، شەقمەکانی شاری کۆڵنیان کردبووە مەیادنی رەخنەی توند و خۆنواندنی شارستانیانە. کۆرد و شۆسیالیست و کۆمۆنیست و  سوننە و عەلەویی و  سۆکۆلار یەکدەنگ رەخنەیان لە ئۆردۆغان و دەسەڵاتەکەی دەگرت. لەلایەکی دیکەوە لایەنگرانی دەوڵەتی ئۆرۆغان کە ژمارەیان ٣٠٠٠٠ کەس ناوزەد کرابوو، لە هۆڵێ گەوری لانکسەز ئارئنای کۆڵندا، کۆبووبوونەوە هەتا پاڵپشتی خۆیان لە ئۆردۆغان و دەسەڵاتەکەی دەرببڕن. ئەوەی جێگای سەرەنجە راگەینە گشتییەکانی ئاڵمان و بییروڕای گشتی ئەم وەڵاتە بەسەرنجەوە ئاڵوگۆڕەکانی دوێنی و ئەمڕۆی کوڵن چاولێدەکەن. ئەم زۆرانبازییە دەتوانێت لەداهاتووی هێزەکانی ناو کۆمەڵگای تورکیا چ گاریگەریی هەبێت، دەبێت چاوەڕوانی داهاتوو بین. بەڵام ئەوەی بەرچاو و دیارە خەڵکی وشیار و چاونەترس سەفەرەکەی ئۆردۆغانیان لێکرد بە زەهری مار. 

بزنەڕێی ژێر تریفەی مانگە شەو




نووسەر: عەلی ئەشرەف دەرویشیان
وەرگێر: ئەرسەلان عەزیزی 


ئەوەیان  کە گەنج بوو؛ منداڵێکی بە باوەشەوە بوو. سەری منداڵەکە کەوتبووە سەرسنگی و بە تەکانێک بەسەرشانیدادایەوە. منداڵەکە دەستەسڕ بووەکەی لە گەردەنی باوکی ئاڵاند و لەسەرخۆ ناڵاندی. ئەوەیان کە پیرتر بوو، تریفەی مانگە شەوی سەر بزنە رێکەی بە قاچ دەشێلا.
ـ ماندوو بووی؟
گەنجەکە گوتی: لەبەرچی؟
ـ لە باوەشکردنی منداڵەکە.
ـ نە، ماندوونەبووم. لە هیچ شتێک ماندوو نەبووم.
ـ دەزانم.
پیرەپیاوەکە کۆکی. وەکوو کەسێک لەکاتی گریاندا دەکۆکی.
ـ بۆ زووتر منداڵەکەت نەهێنایە شار؟
ـ بۆ خۆت هۆکەی باشتر دەزانی.
ـ وایە، چاک دەزانم بەڵام ئەم دەربەدەرییەی تۆ کەی کۆتایی پێدێت؟
ـ هیچ کات.
ـ ئێستا دەتهەوێ چی لەم بەستەزمانە بکەیت؟ خەریکە رەش هەڵدەگەڕێ.
ـ نازانم باوکە. تۆ بەدوامدا هاتوویت و رەنگە باشتر بزانی دەبێ چ بکەین.ـ
دریژه‌ی بابه‌ت
.

شێعرێکی دیکەی فدریکۆ گارسیا لۆرکا


لە ئاڵمانییەوە بۆ کوردی: ئەرسەلان عەزیزی


لە دوورەوە زەریا پێدەکەنێ،
ددانەکانی لە کەف و
لێوەکانی وەک ئاسمان
چ دەفرۆشی کیژە نائارامەکە،
وا مەمکەکانت بەبا داوە؟
ئاوی زەریا دەفرۆشم ئاغا.
لە گەل خۆتدا، چت هێناوە؛
کیژە رەشتاڵە خوێنگەرمەکە؟
من لەگەل خۆم ئاوی زەریام پێیە ئاغا.
ئەو ئەسریینە سوێرانە لە کوێوە دێن دایکە؟
ئەسریینەکانم  ئاوی زەریان، ئاغا.
دڵەکەم،
 ئەم ئازارە قووڵانە لەکوێوە هەڵدەەقوڵن؟
لە ئاوی زەریاوە پڕژان دەبن، ئاغا.
زەریا لە دووروە پێدکەنێ
ددانەکانی لە کەف و
لێوەکانی وەک ئاسمان

٢٠١١/٠٦/١٦ لە ویستگەی تەکسی ـ کولن

حەوتوویەک لە شەڕی نێوخۆیی سوورییە




(حەوتوویەک لە شەڕی نێوخۆیی سوورییە )

·         یورهان وەرەفورد                                       
·         لە ئاڵمانییەوە بۆ کوردی: ئەرسەلان عەزیزی


(وێنەگر یورهان ورەفورد ماوەی ساڵانێکی زۆرە لە وڵاتی سوورییەدا دەژیی و هێشتا هەروەک رابردوو لە خانووەکەی خویدا کە لە گەڕەکە کۆنەکەی شاری شامدا هەڵکەوتووە؛ ژیان بەسەردەبات. ناوبراو بۆچوونەکانی خۆی سەبارەت بە رووداوەکانی حەوتووی رابردوو لە ماڵپەڕی یورمیدلئس/تدا yourmiddleeast بڵاو کردووەتەوە کە ئەوەی بەردەستان دەقە کوردییەکەی هەمان وتارە.
  ئەم وتارەم هاوکات لەگەل بڵاوبوونەوەی بە زمانی ئاڵمانی، وەرگێڕایە سەر زمانی کوردی. بەڵام بە هۆی هەندی گیروگرفتی ژیانەوە، بەداخەوە نەمتوانی لەکاتی خۆیدا بڵاوی بکەمەوە. دیارە وەک لە نێوەرۆکی وتارەکدا دەردەکەوێت؛ روانگەکانی وێنەگرێکی بیانی دانیشتووی شاری شام/ە کە  تایبەتە بە یەک حەتوو لە شەڕ و راپەڕین و دڵەڕاوکێکانی خەڵک لە وڵاتی سوورییەدا، کە کۆتاییەکانی مانگی یولی دەگرێتەبەر  و لەو کاتەوە تا ئێستا ئاڵوگۆڕێکی زۆر لە هەموو ئەو بوارانەی کە نووسەر ئاماژەیان پێدەکات؛ هاتووەتە گۆڕێ. بەڵام سەرەڕای ئەوەش وردبینی و ئاماژە بەهەندێ رووداوی کۆمەڵایەتی و ترس و دڵەخورپەکانی خەڵک و ... هتد، لەم وتارەدا سەرنج راکێشە. وەرگێڕ)




فدریکۆ گارسیا لۆرکا
له‌ ئاڵمانیه‌وه‌ بۆ کوردی: ئه‌رسه‌لان عه‌زیزی
28.07.2011 پێج شه‌ممه‌


له‌ سه‌ر چل و پۆپی دره‌ختێکی ده‌ممه‌ست
جووتێ کۆتری لێڵم بینی
یه‌کیان مانگ بوو،
 ئه‌وی دیکه‌یان هه‌تاو
جه‌یرانه‌  ‌گجکه‌‌کانم!
وام پێ گوتن.
گۆڕه‌که‌ی من له‌ کوێدایه‌؟
له‌ کلکم دایه‌.
 هه‌تاو گوتی!
له‌ قوڕگم دایه‌.
 مانگ وه‌های گوت!
و‌ من ،
که‌ هه‌تا نێوقه‌د،
 له‌ زه‌وی رۆچووبوم؛
جووتێ هه‌ڵۆ لە مه‌ڕمه‌ڕ و
کیژ‌ێکی رووتم بینی.
یه‌کیان ئه‌وی دیکه‌ بوو
کیژه‌که‌ ئه‌و نه‌بوو.
هه‌ڵۆ گجکه‌‌کانم!
وام پێ گووتن:
گۆڕه‌که‌ی من له‌ کوێدایه؟
له‌ کلکم دایه‌.
 هه‌تاو گوتی!
له‌ قوڕگم دایه‌.
 مانگ وه‌های گوت.
له‌ سه‌ر چڵ و پۆپی دره‌ختێکی ده‌ممه‌ست،
جووتێ کۆتری رووتم بینی
یه‌کیان ئه‌وی دی  بوو و
هیچیان هه‌و نه‌بوون.

هاتن، درنگ هاتن، به‌خێربێن!

تیشکێک بۆ ‌سه‌ر؛
ره‌خنه‌کانی به‌رێز جیهانگیری له‌سه‌ر وتاره‌که‌ی سه‌یید هاشم هیدایه‌تی
  • ئه‌رسه‌لان عه‌زیزی


سه‌ره‌تای ده‌یه‌ی شه‌ستی هه‌تاوی و سه‌روبه‌ندی بڕۆبڕۆی تێوه‌ره‌کانی حیزبی توده‌ی ئێران، له‌ ناو به‌شێکی به‌رچاو له‌ ره‌وتی چه‌پی ئێرانیدا، نزیک به‌ ساڵێک پێش هێڕشی سه‌رانسه‌ری و رووخێنه‌ری کۆماری ئیسلامی بۆ سه‌ر ئه‌م ره‌وته‌ سیاسییه‌ که‌ به‌ پێچه‌وانه‌ی ره‌وتی رووداوه‌کانی ئه‌و سه‌رده‌مه‌ و به‌ تێوریزه‌ کردنی پیویستی پشتگیری کردن له‌ کۆماری ئیسلامی، له‌ ژێر کاریگه‌ری ئه‌و بۆچوونه‌ هه‌ڵه‌یه‌دا که‌ ئاراسته‌ی هێزه‌سیاسییه‌کانی به‌ سه‌ر دووبه‌ره‌ی شۆڕش و دژی شۆڕشدا ده‌شکانده‌وه‌، قایم له‌ به‌ره‌ی کۆماری ئیسلامیدا وه‌ک به‌ره‌ی شۆڕش راوه‌ستابوو؛ هه‌ر له‌و سه‌رده‌مه‌دا باڵی ئه‌کسه‌ریه‌تی فیدائیانی گه‌لی ئێرانیش،‌ پاش جیابوونه‌وه‌ی ئه‌قه‌لییه‌تی ئه‌و ته‌شکیلاته‌، به‌ره‌به‌ره‌ له‌ ره‌وتی حیزبی توده‌ نزیک بووبووه‌ و ئه‌گه‌ر کۆماری ئیسلامی په‌له‌ی نه‌ده‌کرد و چاوه‌ڕوان ده‌ما هه‌تا یه‌کیه‌تی ته‌شکیلاتی ئه‌و دوو هێزه‌ به‌ هه‌ڵوه‌شاندنه‌وه‌ی سازمانی فیدائیانی ئه‌کسه‌ریه‌ت و توانه‌وه‌یان له‌ ناو حیزبی توده‌دا سه‌ری ده‌گرت وبه‌ شێنه‌یی و تۆزێک درنگتر له‌ حیزبی توده‌ی ده‌دا، ئێستا ئیتر له‌ ساحه‌ی سیاسی ئێراندا ره‌وتێکمان له‌ ژێر ناوی سازمانی فیدائیانی ئه‌کسه‌رییه‌ت به‌دی نه‌ده‌کرد. له‌و سه‌روبه‌نده‌دا نووره‌دینی کیانووری، وه‌ک سکرتێری حیزبی تووده‌ ئێران حه‌وتانه‌، نامیلکه‌یه‌کی له‌ ژێر ناوی "پرسیار و وڵام"دا بڵاو ده‌کرده‌وه‌ که‌ هه‌ڵگری بیروبۆچوونی ئه‌وکاته‌ی حیزبه‌که‌ی بوو. له‌و سه‌رده‌مه‌دا کیانووری له‌ یه‌کێک له‌ ژماره‌کانی ئه‌و نامیلکه‌یه‌دا و له‌ وه‌ڵامی پرسیارێکدا سه‌باره‌ت به‌ ره‌وتی نزیک بوونه‌وه‌ و توانه‌وه‌ فیدائیانی ئه‌کسه‌ریت، له‌ حیزبی تووده‌دا به‌ لووتبه‌رزییه‌وه‌ وتبووی" هاتن، درنگ هاتن، به‌خێر بێن". (1) به‌بێ ئه‌وه‌ی بمه‌وێت نیوه‌رۆکی رووداوه‌کان له‌یه‌ک گرێ بده‌م، له‌یره‌دا ده‌مه‌وێت بچمه‌ ناو باسێکی دیکه‌وه‌ که‌ وه‌ک نێوه‌رۆک پێوه‌ندیییه‌کیان به‌ یه‌که‌وه‌ نییه‌ و له‌ راستیدا هه‌ڵگری دوو چه‌مکی جیاوازن، به‌ڵام له‌ رواڵه‌تدا وه‌ک ئه‌وه‌ی مێژوو بییه‌وێت دووپات ببێته‌وه‌، هه‌ڵگری رواڵه‌تی یه‌کسانن.


تعداد بازدیدکنندگان